Чылажат закон почеш ышталтшаш

Коррупций ваштареш кучедалме сомылым виктарыше координаций советын заседанийже эртен. Тудын пашажым Марий Эл вуйлатыше Ю.Зайцев виктарен.

Совещанийыште республик вуйлатышын администрацийжын, исполнительный кучем орган-влакын, силовой ведомствылан, прокуратурын представительже-шамыч, мер пашаеҥ-влак лийыныт.

Марий Эл образований да науко министр Л.Ревуцкая туныктымо организацийлаште тунемше-влаклан коррупций ваштареш кучедалме умылтарымаш пашам эртарен колтымо нерген палемден.

Тыгак бюджет сферыште, нацпроектым илышыш шыҥдарыме годым кундемнан правам аралыме орган-влакын преступленийлам чарен шогалтен кертме пашаштым кузерак ворандарен колтымо йодышым каҥашеныт.

Заседанийыште Коррупций ваштареш кучедалме сомылым виктарыше координаций советын 2023 ийысе пашажым иктешленыт. Вес ийлан планым пеҥгыдемденыт.

Марий Эл вуйлатыше коррупций ваштареш кучедалме паша чыла вереат сайын ышталтше манын кӱштен.

Марий Эл Республикым вуйлатышын администрацийжын информаций паша пӧлкажын уверже негызеш Л.ШАБДАРОВА ямдылен