Чоҥышо-влакым чапландареныт

Чоҥышо-влакым чапландареныт
18.06.2014
Йошкар-Олаште Э.Сапаев лӱмеш Марий кугыжаныш опер да балет театрым чоҥен шуктеныт. Тудым официально таче, 24 июньышто, почыт.
 
А тылеч ончыч, 20 июньышто, театрым ыштен шуктымо лӱмеш пайрем эртен. Тушто чоҥышо, проектым ямдылыше, тиде пашашке ушнышо моло еҥ ден пашаеҥым чапландареныт да нунылан тауштеныт. Марий Эл вуйлатыше Леонид Маркелов ятырыштлан кугыжаныш наградым кучыктен.
 
– Тӱшка вий дене кугу чапле театрым икмыняр ийыште чоҥен шуктымо. Кеч тудым ыштышаш нерген шонымаш моткоч кӱчык жапыште шочын. Тудым вес театр-влак дене конкурент лийын кертшым веле огыл, а шке сынаным, ойыртемалтшым ыштыме шуын. Проектым ямдылыме годым тӱнямбалсе ятыр элын театржым ончен лекме. Тыгодым ме олан архитектурыжмат шотыш налынна. Тидын дене пырля театрыште органный зал лийже манын шоненна, молан манаш гын тиде моткочак оҥай да сӧрал инструмент. Мый мемнан республикнам йӧратем да тушто чылажат эн чапле гына лийже манын шонем, – палемден Марий Эл вуйлатыше.
 
Вашешыже чоҥышо-влакат тудлан тауштеныт.
 
– Ончыкыжымат чыла шонымашдам илышыш пурташ полшаш тӱҥалына,– сӧрен ойленыт нуно.
 
Умбакыже погынышо-влак театрын артистше-влакын ямдылыме концертым онченыт.
 
Марий Эл Республик Вуйлатышын мер кыл ден увер виктемже
Кусарымаш - Л.Камалетдинова (газет "Марий Эл")