Черетан полыш: Йоча-влакын кумылаҥдыме серышышт

24 ноябрьыште специальный военный операций эртыме зоныш черетан гуманитар полышым колтеныт.

Мемнан боецна-шамычлан кочкыш, эм, чоҥымо материал деч посна резине кемым, спальник, накидке-влакым, шуко утеплительым чумыреныт.

Республик гыч доброволец-шамычын служитлыме подразделенийлашкышт кум УАЗ-ым колтеныт. Тыгак Марий Элысе военнослужащий-влаклан посна посылкым ямдыленыт, йочасадла ден школла гыч патырна-влакым поддержатлыме шотан поро тыланымашан серышат шагал огыл лийын.

– Марий Эл спецоперацийын икымше кечылаж гычак боецна-влаклан полышым пуа. Регион вуйлатыше Юрий Зайцевын кӱштымыж почеш, посна адрес денат гуманитар полышым колтат. СВО кумдыкыш республик гыч кажне арнян гаяк груз кая. Теве тиде ты арнян кумшо, – палемден Марий Эл правительстве председательын алмаштышыже Степан Воронцов.

Марий Эл Республикым вуйлатышын администрацийжын информаций паша пӧлкажын уверже негызеш Е.Эшкинина ямдылен