Аэропортат кўлеш, причал деч поснат ок лий

29 сентябрьыште Марий Элым вуйлатыше Юрий Зайцевын эртарыме совещанийыште республикым социальный ден экономике велым вия‰дыме индивидуальный программым шуктен толмо йодышлам ончымо.

Тиде программе дене келшышын, республикыште социальный кўлешлыкан объект-влак – Йошкар-Олаште аэропортын терминалже да ветеринар лабораторий, Волжскышто азам ыштыме отделенийын зданийже, вўдым налме вер, Козьмодемьянскыште пассажир причал умбакыже чо‰алтыт.

Чыла нине объект калыкын илышыжым саемдаш, регионым инвестицийым ушаш утларак кумыла‰дышым ышташ, е‰-влакын шындыме йодышлам тєрлаш полшышаш улыт.

Тачысе кечылан могай лектышыш шумынам, программым шуктымаште да объектлам чо‰ымаште могай темп дене пашам ыштымынам ончен лекман. Лекше чыла йодышым ка‰ашаш кўлеш, каласен совещанийым почмыж годым Марий Элым вуйлатыше Юрий Зайцев.

Республикын промышленность, экономикым вия‰дымаш да торговльо министржын пашажым жаплан шуктышо Станислав Крылов тыге каласен: тений индивидуальный программын кышкарыштыже 10 мероприятий шукталтеш, чылаже 859 миллион те‰гем кучылтмо. Тидыже тенийлан палемдыме лимитын 85 процентше лиеш.

Кызыт 7 объект чо‰алтеш да пужен уэмдалтеш, тышеч кум объектшым тений пашаш колташ палемдыме. Тиде – республиканский ветеринарный лабораторийын корпусшо, Ураев бульварын кокымшо йыжы‰же да Волжскышто азам ыштыме отделенийын зданийже, увертарен Станислав Крылов. Пытартыш кок объектшым 95 процент утлалан ыштен шуктымо.

Тылеч посна тений Звениговышто эрыктыше сооружений пужен уэмдалтеш, тудым 2023 ийыште пашаш колташ палемдыме. Тачысе кечылан 33,7 миллион те‰гем кучылтмо, объект 67,8 процентлан ямде. тений тиде пашам шукташ Рф Правительствын резерв фондшо да республиканский бюджет гыч 48,1 миллион те‰гем ешарен ойырымо, ты оксам тўрыснек кучылтмо.

Тыгак Волжскышто Александровский вўдым налме вер ышталтеш. Тудым 2024 ийыште ыштен шуктыман, объект 50 процентлан ямде. Тиде пашам шукташ 46,7 миллион те‰гем кучылтмо, тидыже 2022 ийлан палемдыме лимитын 98 процентше лиеш.

Станислав Крыловын мутшо почеш, Йошкар-Ола аэропортын терминалжым чо‰ымо шотышто лимитым контракт дене тўрыснек пе‰гыдемдыме. Тудым 2024 ийыште пашаш колташ палемдыме. Козьмодемьянскыште пассажир причалым чо‰ымаштат лимитым контракт дене пе‰гыдемдыме, тиде объект шушаш ийыште ямде лиеш.

Марий Элым вуйлатыше кўшнє ончыктымо чыла объект пеш кўлешан социальный объект радамыш пурат, сандене жапыштыже чо‰ен шуктышашлан чылажымат ышташ, мероприятий программе шукталтмым арня еда терген шогаш кўлеш манын палемден.

 

Марий Эл Республикым вуйлатышын организаций да аналитике виктемжын уверже негызеш П.Шакиров ямдылен