Рӱдӧ почтамтым олмыкташ тӱҥалыт

Марий Элын вуйлатышыже Александр Евстифеевын темлымашыже да «Почта России» АО-н генеральный директоржо Максим Акимовын полшымыж дене 2022 ийыште Йошкар-Оласе Рӱдӧ почтамтым олмыктат.

Марий Элын федеральный почто связь управленийын директоржо Андрей Виногоровын мутшо почеш, Рӱдӧ почтамт ончыкыжым Йошкар-Олам сӧрастарыше оралтыш, шкешотан визитный картычкыш савырна, моторлыкшо дене уна да олаште илыше-влакым куандараш тӱҥалеш. Олмыктымо пашалан контрактым 2021 ий ноябрьыште пеҥгыдемдыме.

– Майыште леведышым олмыктена, Советский да Пушкин уремла велым фасадым шотыш кондена. Чыла пашам шуктымеке, республикын вучемже да Йошкар-Ола мэрий дене кутырен келшен, Рӱдӧ почтамт ончылан «Нулевой километр» экспозицийым вераҥдена – тиде Йошкар-Ола деч моло олалашке мыняр меҥге улмым шотлымо пале лиеш. Тыгак зданий кок велымат кутышеш кожым шындаш, волгалтарыше подсветкым келыштараш да шуэн вашлиялтше, ойыртемалтше, кугу шагатым пижыкташ шонымаш уло, – каласен Андрей Виногоров.

«Почта России» АО
Марий Эл Республикын УФПС-ын
уверже почеш Л.СЕМЕНОВА ямдылен