Троллейбус парк уэмеш

Марий Элын правительствыже Йошкар-Олаште троллейбус паркым умбакыже уэмдаш  шона. Тыге каласыме республик правительствын 7 апрельыште эртарыме совещанийыштыже. Тудым Марий Элым вуйлатыше Александр Евстифеев вўден.

Регионым вуйлатыше тыге ушештарен: кодшо ийыште Россий Федераций  правительствын председательже  Михаил Мишустин  пунчалым пе‰гыдемден. Туштыжо  Российын Финанс министерствыжлан 2023-2027 ийлан  федеральный бюджетын  проектшым ямдылыме годым олаште мландывалне коштшо  электрический транспортым комплексно вия‰дымашке виктаралтше инфраструктурный проект-влакым  илышыш шы‰дараш  субъект-влаклан бюджетный кредитым пуаш ситыше  бюджетный ассигнованийым  шотыш налаш кўштымє.  Чумыр суммо 100 миллиард те‰геш шуэш.

Элысе эн кугу банк-влакын шотлымышт почеш, трамвай ден троллейбус-влакым тўрыснек вашталташ 500 миллиард наре те‰ге кўлеш лиеш.  Вес семын каласаш гын, оласе транспортым уэмдымаш – 9 тўжем наре  трамвай ден троллейбусым налмаш – 494 миллиард те‰геш шуэш. Республикна кугу огыл гынат, ўмаште регион-влаклан  колтымо 250  транспорт средстве гыч 10 троллейбусшым Марий Эл Республике налын, палемден Александр Евстифеев.

Кызыт троллейбусым налме шотышто кок тўрлє вариант ончалтеш: транспортым инфраструктурный  бюджетный  кредит полшымо дене але лизинг йєн дене налаш, каласен регионым вуйлатыше.

Российын премьер-министрже  да элысе банк-влак регион-шамычлан бюджетный кредитым пуаш ямде улыт. Тидыже Йошкар-Олаште троллейбус-влакым чулымын уэмден толаш йєным пуа, палемден Александр Евстифеев.

2021 ийыште у троллейбус-влакым  налмым оласе калык сайлан шотлен вашлийын. Кызыт  транспортым уэмден толмо паша  умбакыже шуйна, каласен республикын  транспорт да корно озанлык министрже  Александр Герасименко.

«Тений  Минтранс инфраструктурный бюджетный кредит почеш 5 у троллейбусым налаш 133 миллион те‰гем  ойыраш йодмашым  колташ ямдылалтеш. 2021 ийысе семын тений эше 10 троллейбусым финанс лизинг йєн дене  налме йодышым  Сбербанк дене пырля кутырен келыштарыме»,– увертарен Александр Герасименко.

Марий Элым вуйлатыше троллейбус-влакым налме годым нунын икгай тўжвал сыныштым арален кодаш да технический характеристикылан тўткышым ойыраш  темлен.

Марий Эл Республикым  вуйлатышын организаций да аналитике виктемжын  уверже негызеш П.Шакиров ямдылен