Проект-влак кузе шукталтыт

Тӱҥ йодыш 2022-2023 ийлаште бюджет кредит кӱшеш инфраструктур проектлам шуктен толмо да окса кузе пурымо дене кылдалтын.

Марий Элыште инфраструктур бюджет кредит кӱшеш кум объект чоҥалтеш: Медведево посёлкышто Сеҥымашын 75-ше идалыкше бульвар ышталтеш, паша 2023 ий 30 июньышто мучашлалтшаш; Медведево посёлко ден Йошкар-Ола коклаште Черняков урем мучко канаш келыштарыме кумдык келыштаралтеш, тыгак 2023 ий 30 июньлан шукталтшаш; Йошкар-Оласе аэропортышто пассажир терминал проектироватлалтеш да нӧлталтеш, проект ден смете документацийым кугыжаныш экспертизе пеҥгыдемден, чоҥаш аукционным увертарыме, объект 2024 ийыште ямде лийшаш.

Национальный ден федеральный проектлам шукташ финансироватлыме чыла источник гыч 30 мартлан ончымаште 2400,9 миллион теҥге, але тенийлан палемдыме гыч 20,6 процентше кугыт, пурен.

Палемдаш кӱлеш, РФ правительствын эскерен шогымыж почеш, Марий Эл корным чоҥымо дене кылдалтше федерал программым шуктен толмо дене – 4-ше, а «Юлым тазаҥдыме» федерал проектым илышыш пуртымо дене – 7-ше верыште.

Марий Эл Республикым вуйлатышын организаций да аналитике виктемжын уверже негызеш Ю.Исаков ямдылен